Cara Ngasuh Undang tan Lama...

Undang Sungai

Kekadang enti kitai mukat tauka Nyala ba sungai... enti bulih undang tentu kitai deka nyimpan lama dalam peti ais. Tang meh suah agi undang nya nyau

enda manah agi. Tu siti pesan kaban ku kemari pulai sida nyala ba Sungai S....... (ukai ngerachun undang argh....)

Cara ya,,,,, basu undang nya sampai beresi anang guai muai kulit enggau insang enggau sepit ya!! Lalu champur enggau tepung gandum awakka enda bau lang..... Udah nya tadi, pasuk ka undang dalam besen lalu di beri ai mimit champur enggau Gula Halus..... Undang nya ulih tan lama kira ke sebulan.... Ulih meh nyimpan ke bala diri menyadi enggau kaban lama ke kelalu tetenguk ke Undang.....

Undang Menua Saratok.....

Pengarap Pengidup

Kena aku nyapu uras ba blog ku tu.... Aku tepikir ke antara Pengarap Pengidup kena kitai besari-sari. Ianya Pengarap kitai ba kristian enggau pengarap ke burung ke asal kitai bansa iban..?

Nitih ke pengarap Kristian kitai deka di angkat ke serega maya ujung dunya tu ila. Tang burung ke di kena aki ini kitai kelia kena nanda ke utai ke deka nyadi ba kitai besari-sari. Tauka nya burung manah tauka burung jai. Asai aku mayuh nembiak ke maya ari tu enda nemu reti burung jai burung manah ke tanda kitai bisi tuntung penusah. Ambi ke banding lebuh kitai deka nurun ke umai kitai bisi ninga burung nendak bemunyi enda jauh ari kitai. Enti iya bemunyi sepiak kanan nya manah, tang enti iya bemunyi sepiak kiba... nya nanda ke kitai deka di tuntung penusah enti kitai nerus ke turun ke umai sari nya....Jadi..... runding runding meh.........

Ila Nampung baru..... Terima Kasih Kaban Semua Dalam Dunya Blogger!!!!

Jadi Seperti Mu

Thanks Wilder.. Share lagu tu.... God Bless!!

Michael Jackson idup amai amai idup

Sapa Madah Michael Jackson Udah Mati/Parai

Kemari aku bisi bejalai ngagai kaban aku Aji Embob (ukai Haji Embob ok laban iya enda kala enggau urang nangga Haji ). Kira udah sejam aku berandau enggau iya, aku lalu macha surat khabar. Nyadi iya nya tadi lalu majak meda TV. Enda berasai tekenyit aku di tanya iya munyi tu “Sapa madah Michael Jackson udah parai?”. “Aieee…. Keni nuan enda meda ba TV, enda macha Surat Khabar? Sigi amat udah parai meh tudah Michael Jackson.” Pia ku saut aku.

“Peda d…. Ukaii semina Michael Jackson aja ke idup baru. Ba dapur din bisi Michael enggau Jackson benung nyumai.” Aku lalu engkechit angkat belawa ke dapur.
Peda aku amat bisi Michael seduai Jackson benung ngetak pala babi ulih meli ba Makit pagi tadi…… HAHAHAHAHAHAHAHAHA…… Bangkai amai Aji Embob. Ingin ati ku deka negam pala Aji Embob nya tadi… parai kitai tuai tuai tu di keduan iya ngenyadi nya…… Sepi asai dek ila Aji Embob. Bisi maya aku malas tundi malas uti dek nya…..
Enda jangka nuan tanchut dalam nuan ku rebus dalam kali ambi ke lauk nuan makai pagila…. Nyesal amai aku udah bejalai ngagai Aji Embob…..
Nyesal… Nyesal… Nyesal dudi nadai reti….. hehehehehe.. keni enti jam nya tadi ulih di tikal pulai… Enda ga aku tekenyit asai ka parai jamah Aji Embob.

Pemakai Diri Sebilik

Sup Sayur Champur

Sekali tu aku nguji mandang ke sekeda lauk ari menua. Lauk-lauk favorite kenu ku kitai.....
Enti ka nemu resipi tu.. tau giga ba google search hehehehehehe.... tauka nanya ngagai Chef Wan.

Kasam Daun Ubi

Kompom bepeluh makai kasam daun ubi tu. Udah makai mesti duduk ba baruh kipas tauka terjun ke sungai.. hehehehe.... Angat dalam tubuh.... laban di panduk begulai enggau cap langkau.....

Manuk Pansuh

Manuk lulun dalam buluh.. kira senang aja tu. Asal bisi buluh kena ngelulun, ti nadai.... anang nguji ngelulun ngena batang paip au.... enggau ke rumah kitai angus.... hehehehe.....

Kasam Ikan Keli

Hooooo Ha....... Kasam Ikan Keli. Ikan keli mesti di ulih ngena bubu. Anang ngasam ikan keli ke ulih ginti tauka taut. Enggai ke ikan keli nya ringat, pedis mulut. hehehehe.... Enti Ikan Keli nya ringat...... urang ke makai ya kompom engkelan tulang ikan.... hehehehe....

Kasam Babi

Yaaaaahhooooo..... Lauk paling best dalam dunya. Kasam babi kampung/babi hutan ku laut. Nadai lebih agi ari tu sangka ku.
Laban janik tu udu pemedis ngulih ya.... Enti bejalai ke kampung puang ukai senang ka betemu enggau raban babi. Salah salah pulai puang. Laban spesis tu nyau ka punas. Udah tu arap ke kitai ngiga chara senang ngulih babi kampung... ianya Prujik Nupi Babi Hutan dalam Taman... hehehehe....

Buah Mangga Muda

Penudi iya.... buah mangga muda di parut.... Buah mangga tu mesti di ambi ari pun ya empu. Mesti ditiki,mesti ditanam, enda tau di beli ba kedai tauka di order online hehehehe..... laban buah ke ba kedai tauka di belin online enda fresh ..... hehehehe... udah lama.!

Sambal Belachan vs. Mangga Muda.
Manchester United vs. Chelsea

Lepas di parut.... (ukai di blender) hehehe Sambal Belachan anang kurang.... Sambal belachan mesti di gaga ngena belachan chap chabi tauka cap chili ku urang. Enda tau ngena belachan jenama bukai. Laban chara urang ngaga belachan enda sama.... hehehehe... bisi urang ngaga belachan main indik ngena kaki... bisi mega ngena jari.... belachan chap chabi di gaga urang ngena siku enggau bahu... hehehehe laban mata ya nyau enda ulih menchelak agi... angat tauka bisa laban chabi.... hahahahaha.....

Erm.... Last Sekali......
Aram Makai Kitai Wai.....!!!!!
Nyamai amat !!!
Ti ka ngoder online....
Telipun ngagai Inikku 012-013-014-015-016-017-018 & 019 hahaha.....
Tu pemakai ungkup diri sebilik aja,,,,, nadai nerima tempahan online enggau catering....
Bisi di jual maya Pesta Sungai Krian taun 2025 hehehehe...
Dalam perancangan ngemaju ke pemakai diri sebilik.

Nya aja dulu...
Peace No Wars...... ( Anang Main Mafia Wars ) -

Hello Sunday

St. Peter Church, Saratok.

MERUAN KU NGENANG

MERUANKU NGENANG
TUHAN TI DIREGANG
KETEGAL DOSA TI UDAH DIGAGA
SEMUA MENSIA

CHUKUP MEH PENGRINDU
OH TUHAN YESUS KU
DOSA KU DIBERESI
ENGGAU DARAH TUCHI NUAN
AKU NESAL ATI

Chorus:
NUAN MATI NGANTI KU
NUAN DIREGANG DIPALU
AKU TI BEDOSSA
TANG TUHAN DIPERINSA
ENGGAU PENGASIH ALLAH TAALA

AKU NESAL ATI
AKU NYERAH DIRI
NGAGAI JARI NUAN TUHAN
KU NYERAH KE TUBUH KU
NGEREJA PENGAWA NUAN....

Selamat Hari Minggu semua kaban blogger.Arap ke sama bela besampi minta berkar ari petara. God Bless us.

Aram Bekelala

Aram sama bela bekelala enggau pangan diri awakka ke kitai berasai semak.
Uji peda ba sepiak kira blog aku tu. Arap ke sama sama begempung , beserakup nyingkang pemansang nitih enggi urang, nadai pemali nadai penti. Sama bela tau ngerisja nama diri enda milih biak tuai.

Ti bisi penanggul arap ke ulih madah ngagai aku dalam blogger tu. Terima kasih!

Chandut Oh! Chandut

Hahahaha.. Chandut oh Chandut...

Chandut ari Saratok....
Chandut tu special.. ukai baka ABC ba negeri besai...
Asai iya pan lain ari ke bukai.....
Lebih-lebih agi enti maya rami sekula..... chukup laku chandut... hahahaha...
Tekenang ke maya agi mit kelia.. udu amat gila chandut... nyau ringat enti enda di bai urang tuai duduk ba kedai chandut....
Sebedau nyukat pasar saratok.. mesti ngetu dulu makai chandut... ba kedai chandut.
(enda ingat nama tokey kedai nya.) hehehehe

Lepas makai Chandut... insap Parkway anang kurang ok...
Nya pesan ari tokey kedai Chandut.....
Motto kedai nya..
"Chandut is very GOOD"

Nyambal buah

Nyambal... buah rungan muda gulai enggau buah limau nipis....

buah nanas tu udah mansau,,,,, tang lalu bedau ga di empa...
Sayau buah rumbau ngapa...

Iklan Kuih Chakui

Tu siti Iklan ke narit ati aku maya ke makai ba Jolly Food Bt.7.Maya aku ke makai dia... kedai nya udah tutup.Laban semina buka pagi aja.Bisi ga ati ku deka nguji... Arap ke pulai taun baru ila.. ku ulih ensepi kuih chakui BEE JAY.Pasal haram enggau halal anang nanya aku.... hehehehe laban aku bedau interview ke tokey ke ngaga kuih chakui tu.

Meliur aja ku meda gambar .... hehehehe... ka ngaga kediri enda ga nemu... enda alah kuih chakui nyau nyadi kuih kelupis... hahahahaha....
Mupuk dulu aku.... ngabas bubu!!

Pekit Poco-Poco Maya Gawai

Nyadi tu grup ke udah nyadi juara pekit betanda poco-poco ba rumah panjai kami.
Kelimpah ari sida tu bisi 4 iti grup agi ke nguji enggau masuk pekit nya. Nyadi sapa ke ngasai ke bisi pengelandik betanda poco-poco tau nganjung nama diatu kena masuk pekit nya ba taun ke baru ila.
Perais pekit tu enda besai.... semina hamper aja,,,, (kurang sponsor). Sapa ke bisi ngembuan video ngayan ke pengelandik betanda poco-poco tu arap ke ulih bekunsi enggau aku!



Nama grup tu ianya chill and grup.
Arap ke sida tu ulih mujur dalam pekit poco-poco ke dudi ari ila.

Selamat Hari Apai

Selamat Ngintu Hari Apai ngagai semua ke bisi apai enggau sapa ke ngasai ke diri besangkut paut enggau apai.... tang ukai apai tuai tauka pangan kita ke indu ok. Taja aku tu nadai apai agi... tang aku udah begelar Apai urang hehehehehe!! Anang nganu aku ok! Arap ke bala anak semampai ngenang ke tudah aku tu. Enda kira anak angkat ku, anak uduk ku, anak buah ku.... anak menyadi ku... enggau mayuh macam anak ke bukai... anak petunggal ku mega....
Lalu aku meri besai selamat hari apai ngagai bala sida ke ngelala aku..... Apai Kumang di Matang, Apai Bujang di Jalai Min Onn Kuching, Apai Mimey di Sibu, Apai Mit di Roban, Apai Kakong di Saratok, lalu ngagai Apai Uwek di Kuching mega... arap ke gerai sereta lantang. Enda di tinggal ngagai Apai Ray, Apai Tina di Bintulu. Apai Ram, Apai Ilek, Apai Bibi, Apai Nyarok, Apai Chik di Melaka. Enggau SEMUA APAI SERATA DUNYA ke enda alah di ripih ke ditu!! Besampi awakka bala apai - apai bela gerai belama-lama iya.

Baru Pulai Ari Menua

Huh~ Lelak amat isi baru pulai kemisi ari menua...
Mayuh amai randau, mayuh ga jerita deka di kunsi enggau bala mayuh dalam blogger enggau web ke bukai. Arap ke sama sama meh kitai bekunsi ensera enggau jerita. Cerita Gawai cerita urg ke udah nikah maya gawai tu tadi. Enggau mayuh leman di kereja maya gawai.
Ila meh aku nampung baru randau dalam blogger tu.

Pengerami Gawai

Tu siti Berita Pengerami Gawai. Lebuh aku ke JB tu tadi, aku bisi nemuai ngagai endur bala kitai bansa Iban bejual tauka bedaja ba Kawasan Megah Ria. Sigi manah serta rindu ati meda bala kitai sebansa bejual. Asai asai ke diau di menua, nyau bemua bala sida aki ini.

Ok ya... Pengerami Gawai ianya Pekit Kumang Gawai 2009 tu deka di pejalai ka ba Restoran Bujang Senang ianya restoran ke endang di empu ulih bansa kitai empu. Nyadi pasal pemakai sereta fund masuk pekit tu semua Free Of Charge (F.O.C) tauka nadai bebayar. Semina bayar utai ke di order kita aja. Lalu perais Pekit mega di sedia ke Restoran Bujang Senang. Nambah ke nya mega, bisi siti agi pekit. Ianya Pekit Suara Emas & Tanda Poco-Poco.


Ngagai sapa sapa ke semak menua JB, arap ke kita datai meh begulai enggau kitai sebansa ngerami gawai 2009 tu. Kita di pinta anang belaya enggau pangan diri. Enti nyau ngasai ke diri udah mabuk serta enda tan ngirup enggau urang, manah ninduk ke diri. Awakka enda bebadi tauka ulih ngenusah ke urang bukai. Pagila lusa kitai ulih ngirup baru.

Bah... Enggau nya.... Aku Meri SELAMAT NGINTU GAWAI DAYAK bagi Taun 2009 tu.
Minta Ampun enti nyema kala ngemedis ke ati, ngenusah ke ati bala pemacha Blog aku tu, nya semina jaku tundi aja. Sapa ke enda tan betundi arap ke ngena baju "ANANG NUNDI AKU".
HAhahahahahaha.. MUPUK AKU......
SARITU ... Pulai menua ...

Country Sweet Country... hehehehe... (lebih kurang baka Home Sweet Home) hahahahaha... mar ga enda nemu jaku ribai.

Tubu Manis. Besai serta Nyamai.

Kawasan Endur Bejual

Tinduh/Singkit/Matar ... RM10.00 siti bekas.

Sekeda Sayur ke bisi di Jual.

Enda ditinggal ke mega, bup pegari.
Bup Dalam Jaku Iban, bisi mega di jual ba pasar nya.
Nya meh enti bakanya. Sigi amai ku kitai.
"Enda Iban Punas di Dunya".

My Little Brother Accident

Nyau nyerumba ka Gawai, nya ga gaya my little bro nyau accident. Kasih meda tudah enda ulih pulai gawai. Kira angus meh tiket ke dah di beli.

Lalu begau ga kaban di menua ninga rita ke bangat enda manah. Laban Indai ke nyau tuai, enda tentu nyamai ninga rita ke ngenyit baka nya. Nadai taim taim ku iban hehehe... lalu terus mupuk malam nya tudah Boss. Nyau ngilah tengah malam datai di JB. Kasih ga nyau betambah kasih. Nyau dua dua ga tusah. Tusah accident enggau tusah kiruh ke siku nya.



Patah kaki tudah, accident kena 16/5/2009. Ba Hospital besai Sultanah Aminah JB. Nyau seminggu dah ba sepital lalu bedau ga di bedah ke apa ke? 26/5/2009 minta pindah ke Hospital Kulai, bedau ga Operate. Nyangka nganti lepas Gawai kini? Ditu ukai aku ka nyalah sapa sapa. Enti nyau baka nya urang enggau kaban belayan kitai, asai ke enda patut amat. Enti madah enda chukup lutur bedah di menua Malaysia tu, mayuh endar ga urang ke tepelajar. Nyangka meh sida nya nyau enda minat nyadi lutur perintah, nyangka ka ngaga sepital kediri kini? Ila kitai nanya ngagai bala misi, lalu padah sida kitai ga baka ke lebih nemu ari sida. Hah Assapai dek menyadi. Tat ke aja meh dia dulu, besampi aja ngagai petara awakka jampat gerai baka selama. Ila ga tua ngasuh bala kaban bukai nyadi lutur awakka senang maya kitai ka berubat dah tuai ila.

Benung aku ke naip ba blogger tu 27/5/2009 lalu bemunyi telepon bincing aku. Peda ku tudah telepon..... madah diri ka masuk dewan bedah.... Nya pengelama ya menyadi. Nyau seminggu lebih baru di ubat urang. Arap ke nuan jampat gerai.


May God Bless you ! + Amen.

Enda Lama Agi Gawai

Rindu ka begawai?
Diau jauh ari menua? Sama sama meh bekunsi enggau aku pengerindu ati deka ngintu gawai 2009 tu. Arap ke mujur dalam pejalai pulai ngagai endur ke di tuju. Bejimat meh nengah jalai. Enda ngira nengah jalai ai, jalai darat tauka jalai langit... hehehe ngena bilun la. Anang Beguai auk. Enti ngasai diri lelak tau ngetu ba rantau jalai. Enti tetemu ke rumah panjai iban anang rawan ati, terus niki lalu minta ai, enti aus. Sangka aku, nadai orang muru kitai maya Gawai tu. Laban semua pengabang nya meh di ambi ke Petara ke udah meri kitai limpah maya bumai taun ke udah. Nya meh nambah ke tuah kitai ngagai taun ke deka datai. Sampi ngagai petara merekat utai ke udah ulih kitai ngelamatu. God Bless!!



digaga obien - raban IbanFm

Nyabung Oh! Nyabung Gawai!

Munyi ku ApaiRosa betanya: (sorry unggal)
Pengawa nyabong manok tu endang bepun ari adat asal kitai Iban ba menua Sarawak tu kelia, tang kemai tu hari pengawa tu semina kitai Iban ke beempu nama pengawa, pengiroh, penyai enggau tanah alai kelang sabong tang orang ke beempu untong iya nya bansa bukai. PATUT TAUKA KA ENDA PENGAWA TU MAJAK DIKERJA KITAI BANSA IBAN SERAMBAU ENGGAU PENGERAMI NGINTU HARI GAWAI DAYAK ?

Nyabung tu ga bisi pro enggau kontra ya, munyi ku nembiak ke rebak baru diatu. Enti di tagang pen tua.... nadai meh sida ke tuai nya ka ninga.
Enda di tagang tua.... nyau enggai ga orang bukai meda, padah merinsa ke manuk la.
Asal iya kelia nyabung manuk tu kena kitai kelia bemain bebuti betundi enggau pangan diri.
Ukai maya alah lalu ka ngelaya orang, lalu ngering ke diri meda manuk nyau Alah.
Endang ga amat..... kelebih agi bala cina ke selalu menang... laban ke bisi mudal besai.
Kitai Iban semina ga nabur ke duit ringgit ke ulih pulai bekuli-(baka Aku tu).... meri nya ngagai sida.
Enti kitai deka nyabung, manah kitai enda be-tuie besai, enda ibuh pasang besai, chukup kena kitai betundi aja. Nyabung diri sebilik. Nyabung diri serumah. Reti nya nyabung tetutup.
Aku ukai nama rindu meda orang nyabung, rindu meda ulah sida aki,ini,aya,ibu ke sama bela rerising meda ulah pangan diri maya nya. Awakka ke nembiak rebak baru nemu adat ke dikemeran kitai ari kelia nyentuk ke diatu. Awakka sida ulih merati ulah turun temurun kitai. Taja NGAYAU enda di kemndar ke agi. Enti enda sangka aku.... mayuh orang ngaga GAWAI ANTU maya bulan 6 tu.
Lalu bisi meh nyadi ke buah kenang ila maya udah apus GAWAI.

SELAMAT ARI GAWAI.LANTANG SENANG NGUAN MENUA. Bulih Duit Ringgit, Bulih Reta Tengkira.
Nya ga ari kitai ngitu pengawa udah tembu ngereja Umai. Hooooo.............Haaaaa!!

Nama Penyadi...

Baru udah macha ba Kosmo! berita pelakon Gerakhas, di tuduh enchuri. Rega bup nya RM105.00 enggau RM89.90. Di bayar ikat jamin RM1,500.00. Nye..... nyau besai ari ongkos bup 2 iti nya bayar jamin. Jadi.... Anang meh enchuri enti enggai rugi. hehehehehe...!

Siti agi berita manah... 176,000 iku orang deka niki pangkat start ari 1 ari bulan 7 tu ila, ianya sida ke udah kerja 15 taun ke atas. Nya kemayuh agi di beri ngagai orang ke kerja ari baruh, ianya kumpulan sokongan. Auk, manah meh nya neh. Ambi ke peransang gawa manah agi. Ninga rita aja meh tu, enda bulih kereja perintah, kereja umai pan bisi meh pampas iya enti kitai kereja bebendar agi.

Ba berita Lumba enggau main, menua kitai Malaysia ngaga sejarah baru dalam main Badmintin. Sida udah ngalah ke menua Denmark ba suku akhir. Pemain indu Mew Choo meri Malaysia point pemenang ke udah ngalah ke pengari eri menua Denmark. Ngagai sapa ke minat main Badmintin tu... arap ke ulih belatih manah agi awakka ulih nyadi pengari menua kitai Malaysia.

Pemakai Diri Sebilik

Ngirup Pagi - Ai Kupi 'O' enggau Ruti Cream Crackers.

Sembiang Ari Indai

Saritu nurun sembiang besrimbai enggau ari indai. Lalu nyampi ke semua indai serata dunya sama gerai memagang sereta betuah bulih juluk ati ba taun 2009. May God Bless All Mother's Around the World!! Thanks Lord, Thanks Jesus!!
Ngagai Indai ti ku sayau.... Selamat Panjai Umur, Meruan Gerai, Panjai Umur..
Puji meh TUHAN selalu....

Selamat Hari Indai...

Terubah Iya aku meri Selamat Hari Indai nuju semua bala-bala Indai seluruh Dunya tu. Besampi ke sida semampai gerai sereta panjai umur.

Kedua ya.... aku ka madah ke diri udah nukar templates dalam Blogger aku tu. Semua Add Link aku dah terpadam. Ngagai Sapa-sapa ke ka nambah ke Link, lalu ngagai semua follower aku arap ke ulih madah baru ngagai aku auk. Aku minta ampun laban ke enda sengaja madam nya tadi....

Ketiga...... enda di tinggal ke meri SELAMAT HARI GAWAI DAYAK TAUN 2009.

Arap ke Gayu Guru lantang Senang Meruan Pendiau, Nadai Apa ku Petara, Nadai Nama ku Antu. Gayu Meh Kitai Nyambut Gawai ke taun tu... Nyadi sesapa ke bisi ati deka nemuai sereta ngabang ngagai rumah panjai kami.... Kita di pinta datai memagang..... tu meh maya... tu meh taun endur kitai sama bela ngusung pangan diri. Malam 31 kitai sama bela ngirup ai pengayu... lalu besampi meh awakka kitai sama bela bulih juluk ati diri empu.

Hoooooo............

Haaaaa.............!!!!

Pesan ari ning.com ngagai Administrator

Find more videos like this on Ning Network Creators


Arap ke sapa sapa ke kala muka ning.com profile ulih bekunsi penemu pasal ning.com ditu.
Nadai salah ka nguji. Awakka sama sama panjai singkang nyereta orang bukai.

Masalah Mirc Dalnet Server!!

Server dalnet down/drop.... bc masalah enggau line Malaysia....

Diatu kitai ulih ngena option server ari Malaysia!!

Uji tukar server ngena:

/server irc.malaysiairc.org 6667

join #iban....
ti ka SOP/AOP minta ngagai founder!!
Enti Aku Bulih Access.... Sapa Sapa minta... ku beri semua... ti aku ulih meri SOP... Semua ku Beri SOP.... anang Irau...

Arap ke semua Ulih Join ... Thanks!!

Sapa asai ke minat ka ngaga cenel kediri empu... agi mayuh vacancy.... Aku nguji mai Radio IbanFM ngagai server nya enti ulih......

Ninga IBANFM ngena web <---Uji Klik Dia Y!!
Ninga IBANFM ngena Winamp <---- Click There!! Radio Iban FM Nya dalam Proses Tempoh Percubaan.... Agi Kurang mensia ke ka nyadi Dj... Lalu Agi Kurang pengalaman... So... Paham Paham Aja la.... Arap Ke kitai sama sama bela terperindang ninga lagu Iban begulai enggau bala Dj ari IbanFM.. Selamat Maju Ngagai Dj Whackose!! Shallom ALL!! Peace!!

MANCHESTER: Sir Alex Ferguson meri warning ngagai team main bol ke di pegai iya, Manchester United sida agi mayuh pengawa ke bedau di kereja ba main separuh akhir kedua main bol Liga Juara-juara Eropah ngelaban Arsenal, minggu baru tu ila.

Juara bertahan tu udah menang mit 1-0 ari sipak John O'Shea - ianya gol kedua iya dalam 60 kali bemain dalam Liga Juara-Juara - umbas meri kemenangan ba Old Trafford dalam main keterubah, tumu pagi kemari.


p/s - berita diambi ari bharianonline lalu di translate bilik berita IbanFM...... hehehehhe!

Kambin Pan Nemu Tuchum

Hehehehe Sekeda Kartun Ari Utusan Malaysia!!
Anang ngereja pengawa Last Minute... enggai ke enda ampit!

Selamat Ujung Minggu

Selamat Berujung Minggu ngagai bala kaban... arap ke semua bulih pemujur dalam semua pengawa. Enti Nyema aku kala ngereja penyalah ngagai kita.... minta ampun meh wai.....

Nyau Ngelu Pala!!

Hehehe.. pemuas ke jejegau belah blogger bala kaban enggau raban.... nyau ngelu pala macha berita ari bala sida.... enda alah peda... manah memagang blogger orang...
Enda baka engku ke enda seberapa ya tu....

Nadai tentu penemu enggau orang ngias ke Blogger....
Ka belajar enggai ga nyadi... nadai ari. Kelalu mayuh pengawa enggau penanggul ke bukai.

Arap ninga sereta bebacha ke blog baru bisi nemu berita ari menua...
Nyau ka ngundi orang ba Batang Ai din..... Bendar bala bekimpin.
Nasib unggal Johnny Chuat enda nyadi bediri. Enda pia,,,, bedau temu gamal bintih unggal kitai nya..... hehehehe.... Tapi YB Jawah Gerang pun ok. Kira ke orang lama dalam politik menua Sarawak. Tentu nemu agi ga ngatur ke pemansang ba bagian Batang Ai dia.

Mayuh amai berita ke enda kala didinga kitai pasal Batang Ai di bantai orang maya bepilih tu.
Mayuh agi ga agenda, Arap ke bala di Batang Ai ulih ngundi enggau manah, milih pengari sida empu. Anang peduli ke jaku orang. Nadai lebih ari sida ke ngempu menua nemu pengari ke ulih ngangkat ke manua sida.....

Arap ke bakanya meh pengari kami di menua din..... hehehehe...

Nama Rita Kaban Blogger?

Nama Rita Kaban ba blogger aku tu kini.... hehehe
saja jak bekirum betanya berita ngagai kaban ngena blogger!!
Arap ke ulih meh madah rita diri.....

Selamat Ngintu Ujung Minggu....
May God Bless you All.... Thanks You!!

Happy Valentine's day

Selamat Hari Pengerindu....
Hari orang nanggam pengerindu..... ngagai ambai,sulu,sayau,intan hehehehe....
Aku wish aja tu... Ambai ku nya enda berapa sihat..... Kena pangka renga !!




Harap ke semua orang ke ngintu Hari Valentine's tu semampai success!! Success begulai enggai ambai diri.....
Thanks!!


Sincerely,
Obien Mamau

Mamau is Mamai

Nama kebuah aku mamau? hehehe ukai ga aku tu jugau, tang aku tu suka agi mamau, mamau pendiau... enda suka ka serius... laban ti rindu begagai sereta betundi.... hehehe taja pan udu ka ringat enti betundi....

Dah la mamau... Mamau tu ukai semesti iya gila.... Mamau is Mamai...
Enda tentu betul pendiau... Kebuah aku suka mamau... laban aku enggai temu orang pendiau.... Suka agi aku Low profile..... hehehehe

Kereja aku pun mamau.... Nama dah mamau... kereja mamau nya meh ke naka ulih di kereja... Taja nadai gaji besai, ipak sekula nya meh...

erm.... asai ati mamau.. Bagi aku mamau aku tu pan numbas iya... tapi... sigi gaya urang mamau... udu ka ngerichau....

Mamau-Jugau-Merampau-Obien Mamau-hehehehehehe!!!!!!

Yahooooo!! ANANG NGANU AKU!!!!Terima kasih kaban belayan!!

Nadai Nama-Nama

Bulan Januari (ukai Januari anak Limping) ... bulan satu... nadai special, nadai nama-nama,,, udah berlalu bulan keterubah.
Chinese New Year baru udah lempus. Nadai enggau orang ngabang pun. Nadai Nama-Nama.
Nadai Nama-Nama.... nya meh tajuk article aku tu... hehehe..
Nya Alai anang nganu aku enti kita tebaca ke blogger aku tu... Nadai Nama-Nama.... kah kah kah kah kah.... saja saja nundi temuai....