Hoooo.... Haaaaa....!!
Sa....,dua,tiga,empat,lima,enam....tu...juh,
Nya alai aku ke megai manuk kunchit,
Manuk papit,manuk jelayan,manuk enseriban,manuk labang,manuk menang.
Ukai aku tu miau ngapa, miau pia,miau saja.....
Tu ga nampung adat, nampung sempekat,nampung sekat,
Nampung jalai sida ke tuai,
Nampung sida Nanang begela Rekaya,
Nampung Minggat laki Jara,
Nampung Tarang, bulan terang mandang menua,
Nampung adat Undum apai Nasa,
Sida Indit apai Saga........
Nya alai tak teruntum asai puting dabung rasa,
Aku ke miau selanjau ijau manuk lia,
Sua ngena bangkas engkabang,
Aku tu ga miau Taun 2008 ke nyau deka padam,
Nyelam ninggal ke kitai nandai taun 2009,
Ninggal ke berita manah sereta rindu di kenang,
Nya alai tak gang-gang terutu ai mata,
Aku ke miau selanjau ijau manuk labang,
Kaki sigi lama udah bekenji di batu galang,
Ngeli nanyi ngetup rantung besi senapang,
Aku tu ga miau Taun 2009 ti deka datai mampang,
Pun Taun mecul pegari nampak ke berita manah,
Mai kitai sama bulih limpah enggau ruah,
Lebih mayuh sereta nambah ari taun ke udah,
Udah di biau enggau selanjau ijau manuk tu ila,
Bebali nyadi ubat pengerawang nembiak reremba,
Awakka sida nyulut pandai sekula,
Bulih Diploma nampung Degree tambah Master,
Enda jerih tulih ke pengawa enggau kereja,
Tejapai ke duit ringgit wang bebunga,
Tampak nama jelai rita.....
Nya Aja....
Terima Kasih...Di karang sereta di tempa....
Obien Mamau
Mensia Mamau sereta Bisa....Baka manuk Bejampung betaji dua....
hehehehe.... enda tegiga ke sepuh Ulu Lungga,,,,,
P/S.. anang nganu aku wai.....
Dikena merindang ati maya sunyi....
hoooooooooooo...........haaaaaaaaaaaaaaaaaa!!!!!!!!!!!!