Ikan

ikan dalam akuarium... heheheheheh.... semadi nadai utai ka padah.... UPDATE hehehehe

 Melissa Francis

Lirik Lagu: I Love You Pengabis Ati Hailey feat. Melissa Francis

Hailey:

Tumu pagi  Aku dani

Meda nuan sulu nadai ditisi

Nama berita Nuan dara

Udah lama tua enda betemu mua

Arap nuan gerai belama

Melissa Francis:

Aku sunyi nadai nuan asie

Ninting ari aku nyabak di dalam ati

Taja pia aku bersampi

Ngarap ka nuan meruan lantang berari

Aku enda betah nuan asi

Hailey & Melissa Francis:

Kasih nuan Kasih aku

Tua jauh Jauh sulu

Rindu nuan Rindu aku

Tua kirum ba angin chiru

I love you pengabis ati

Melissa Francis:

Anang nuan berubah ati

Ka pan enda tua jauh aku meruan nangi

Ukai aku enda percaya asi

Nuan pan nemu nuan nadai ulih ku ganti

Hailey & Melissa Francis:

I love you pengabis ati

Hailey:

Anang nuan irau sulu

Semina nuan aja ti ku rindu

Sama sama tua besampi

Ngambi ka pengerindu tua likun berari

I love you pengabis ati

Hailey & Melissa Francis:

Kasih nuan kasih aku

Tua jauh jauh sulu

Rindu nuan rindu aku

Tua kirum ba angin chiru

I love you pengabis ati (2x)

Tetiba aja tedinga ke lagu tu yfm. puas ke bejegau ba google lalu tetemu ke leka lagu tu. sama bekunsi minat.

Selamat Ari Gawai ke Taun 2012. Ditu aku meri Selamat Gawai Dayak ngagai semua raban bansa dayak ke sama bela ngintu pengerami gawai dayak ke taun 2012 tu. Arap ke kitai sama bela ulih maju , sama ulih mansang nyingkang ke mua agi, sama bela nyulut ari taun ke udah. Enti nyema bisi penyalah aku ngari ke kami sebilik minta ampun ari ujung buk nyentuk ke ujung kaki. Semua ke jaie endang ari kami, semua ke manah nya ari petara.

Sapa ke landik sereta nemu main asal, anang meh malu ngemansut ka. Laban jarang endar meda kitai rebak baru nemu ngajat, bepencha, bekuntau enggau macham macham ke bukai meh nya. Arap ke ninga rita ke manah aja rambau ngintu ari gawai ke taun tu. Enggai meh ninga rita ngerimbas pending ninga bala nyau berekak, nyau bebukut, nyau tingkil pending bai belaya enggau pangan diri.Suah ga pekara baka nya nyadi, amat ya jarang ba mua mata kitai.

Penanggul Streaming(radio iban online) nengah Windows 7

Keterubah ya aku meri besai terima kasih ngagai sapa-sapa ke bisi datai nemuai kitu..
Ditu aku deka bekunsi penanggul ninga ke radio iban ditu ti kita ngena windows 7.
Cara iya mudah aja.(ngena google chrome) klik ba DITU dah nya lalu install extension. Refresh baru page lalu kita ulih ninga ke radio tauka streaming ke bukai. Aku arap ke chara tu nyadi ba kita. Ti agi bisi penanggul ga, arap ke sama sama bekunsi. Anang nanya aku chara nengah browser ke bukai laban ku enda minat...... hehehehehehe!!! :P

Easter Day

Laun sari ngepost ke Selamat ari Easter ngagai semua kitai kristian ba serata dunya tu.

He is risen.

Good Friday 2012 - iban version

Mayuh urang Kristian serata dunya tu ngintu Hari Good Friday kena ngingat ke Jesus ke udah mati ba kayu salib.Good Friday di intu dua ari sebedau Easter Day, iya nya ari sepengudah abis Maundy Thursday.Sepemanjai Minggu Kudus kitai besampi minta utai ke manah-manah nyadi ba serata dunya tu awakka kitai sama bulih limpah dalam semua pengawa kitai. 

Penyayau Indai ka anak!

Cerita tu nyadi ba menua Jipun bekau ke udah kena pangka umbak Tsunami ba taun 2011 tu kemari. Lebuh bala penyelamat datai ba rumah siku indu, dia sida tetemu ke bangkai indu nya ke udah mati, tang meh tubuh ya ke mati nya tadi bengkok. Pala patung ya baka urang ke benung sembiang. Tubuh iya baka ke bungkuk ke mua ketegal ke di tinggang rumah ya ke runtuh. Meda baka nya dia sida ke deka nulung tu tadi lalu ninggal ke rumah nya, laban ka ngiga urang ke agi idup. Taja pia, kepala penyelamat tu tadi agi mengkang irau ati ingat ke gaya tudah indu tu tadi mati baka nya.

Udah nya tadi kepala penyelamat tu lalu nikal baru ngagai rumah indu nya lalu nguji ngabas bangkai indu nya tadi. Udah ya nilik ke baruh bangkai indu nya , dia ya tepeda ke bisi kain siti ba baruh indu nya lalu ya nguji narit kain nya tadi. Enda mukai-mukai dia ya lalu tepeda ke anak mit ke berumur 3 bulan ba dalam kain nya tadi.Dia ya lalu ngagau ke bala penyelamat ke bukai madah ke iya tetemu ke anak mit ke agi idup ba baruh bangkai indai iya. Bala lutur pan lalu beguai meresa anak mit nya tadi. Tang meh anak mit nya mengkang jenak tinduk, baka ke nadai apa nama nyadi sepengudah bekau pangka umbak tsunami ke sebedau nya. 

Lutur ke meresa anak mit nya tadi lalu muka abis kain ke di kena mungkur anak mit nya tadi, dia iya tetemu ke telepon bincing siti ba baruh kain di kena mungkur nembiak tu tadi. Lebuh sida meda telepon bincing nya tadi, dia sida tebaca ke mesej ke di tulis ba telepon bincing nya "Enti nyema nuan ulih idup, nuan mesti ingat aku sayau ke nuan." Semua sida ke macha mesej nya tadi enda ulih ngetat ke ati ngenang ke indai iya udah ngidup ke anak iya ngena chara ke pemadu ya merinsa bakanya.Baka nya meh penyayau indai kek kasih ke anak, enda ngira nyawa, enda ngira seput diri nadai, asal meh anak ya ulih besai.

sekeda gambar sepengudah Tsunami ba menua Jipun.

Selamat ngintu ari Valentine's Days

 14 hb Februari- Ari kena ngingat ke ambai. Anang ngingat ke ambai lalai neh. hehehehehe. Ingat meh ambai diri empu, anang ingat ke ambai urang bukai, anang ingat ke ambai lama tauka ambai ke udah parai. Enda ngira bujang dara tau ingat ke ambai diri empu, enti nyema nadai ambai tauka pangan sulu ati, ingat meh ke urang ke pemadu di sayau ke kitai. Pengerindu maya bepangan enda ulih kira, ambi ke manah, buai ke jai. 

Selamat ngintu ari pengerindu. Taja kitai jauh ari pangan, pengerindu meruan ngagai ambai diri empu. Anang ngereja ulah ke enda manah, awakka kitai tetap panjai begulai sejalai, beambai belama-lama iya.

Selamat Taun Baru Cina

Taun Naga. Selamat Taun Baru Cina nuju bala iban ke bisi sangkut paut enggau bansa cina. Bala aki bala ini bala aya, bala ibu ke bisi enggau ngintu pengerami taun baru cina tu. Gong Xi Fa Cai.... Ang Pow lai lai lai......

Selamat Taun Baru 2012.

Selamat taun baru 2012, arap ke bulih tuah, bulih limpah mayuh agi ari taun ke udah. Arap ke gerai, sereta lantang dalam semua pengawa.